चितवन, २५ चैत । माओवादी केन्द्रका अध्यक्ष पुष्पकमल दाहाल प्रचण्डले चितवनको भरतपुर अस्पताललाई प्रादेशिक अस्पताल बनाउन पहल गर्ने बताउनुभएको छ ।

आइतवार भरतपुर अस्पतालको ५५औं वार्षिकोत्सव समारोहलाई सम्बोधन गर्दै अध्यक्ष्ँ प्रचण्डले प्रादेशिक अस्पताल बनाउने आश्वासन दिनुभयो । उहाँले प्रादेशिक अस्पताल बन्न भरतपुर अस्पताल सक्षम रहेको उल्लेख गर्दै त्यसका लागि आफ्नोतर्फबाट सक्दो प्रयास गर्ने प्रतविद्धता व्यक्ति गर्नुभयो ।

वार्षिकोत्सबको अवसरमा अध्यक्ष प्रचण्डले अस्पतालको नयाँ सिटि स्क्यान, बहिरंग भवन, डायालोसिस र अक्सिजन प्लान्टको उदघाटन गर्नुभएको छ । उहाँले भरतपुर अस्पतालको जग्गा विभिन्न संघसंस्थालाई भाडामा र निशुल्क रुपमा दिने पुरानो निर्णय र सम्झौता पुर्नविचार हुनुपर्ने बताउनुभयो ।

भरतपुर अस्पतालको कुल ३१ बिगाह जग्गा भए तापनि विभिन्न संघसंस्था , सरकारी र निजी क्षेत्रलाई निःशुल्क र केहीलाई अत्यन्तै न्युन शुल्कमा भाडामा दिइएकाले अहिले अस्पताल ११ बिगाह जग्गामा सीमित रहेको छ । वि सं २०१३ मा स्थापना भएको भरतपुर अस्पतालमा वार्षीक रुपमा २ लाखभन्दा बढी बिरामीले सेवा लिइरहेका छन् ।
।