जेरुसेलम, इजरायल, २६ चैत । प्यालेष्टिनी हमास समूहको नियन्त्रणमा रहेको गाजा क्षेत्रमा इजरायली सेनाको गोली लागि दर्जनौँ सर्वसाधारणको मृत्यु भएको र सयौँको सङ्ख्यामा प्रदर्शनकारी घाइते भएका खबर आइरहेका समय इजरायली रक्षामन्त्री अभिगडोर लेबरम्यानले गाजामा कुनै सिधा नागरिक नभएको बताउनुभएको छ ।
विगत केही दिनको प्रदर्शनका क्रममा गाजा क्षेत्रमा एक पत्रकारसहित ३० जनाको मृत्यु भएको प्यालेष्टिनी पक्षको दावी छ ।
आइतबार एक इजरायली रेडियोसँगको कुराकानीमा रक्षामन्त्री लिबरम्यानले भन्नुभयो, “ गाजा क्षेत्रमा कुनै सिधा प्यालेष्टिनी छैनन् ।”
“गाजाको प्रत्येक व्यक्तिको कुनै न कुनै रूपमा हमास समूहसँग आवद्धता छ र उनीहरूले हमासबाट पारिश्रमिक पाउँछन् । सबै प्रदर्शनकारीले सीमानामा घुसपैठ गरेर इजरायललाई चुनौति दिन खोजिरहेका छन् ।”
प्रतिक्रिया दिनुहोस्