काठमाडौं । रौतहटमा करिब १२ हजार लिटर पेट्रोल बोकेको ट्याङ्कर दुर्घटनामा परेपछि आगलागी भएको छ। पूर्व–पश्चिम राजमार्गअन्तर्गत भएको घटनापछि केही समय सडक अवरुद्ध भए पनि आगो नियन्त्रणमा आएपछि यातायात सञ्चालनमा आएको प्रहरीले जनाएको छ।
जिल्ला ट्राफिक प्रहरी कार्यालय रौतहटका अनुसार म.प्र. ०३–००१ ख ७८११ नम्बरको पेट्रोल बोकेको ट्याङ्कर आज बिहान करिब ५:३० बजे अनियन्त्रित भई पल्टिएको थियो। दुर्घटनापछि ट्याङ्करमा आगलागी भएको थियो।
प्रहरीका अनुसार दुर्घटनामा चालक सकुशल रहेका छन्। घटनापछि सुरक्षाकर्मी र सम्बन्धित निकायको प्रयासमा आगो नियन्त्रणमा लिइएको थियो।
आगो निभाइएपछि पूर्व–पश्चिम राजमार्गमा यातायात पुनः सञ्चालनमा आएको प्रहरीले जनाएको छ।
प्रहरीले दुर्घटनाको कारणबारे थप अनुसन्धान भइरहेको जनाएको छ।
Originally published on abcnews.com.np.
प्रतिक्रिया दिनुहोस्