काठमाडौँ । उद्योग, वाणिज्य तथा आपूर्ति मन्त्रालय मातहतको वाणिज्य, आपूर्ति तथा उपभोक्ता संरक्षण विभागले काठमाडौँस्थित ‘होटल रेडिसन’मा गरेको अनुगमनमा ठूलो परिमाणमा ग्यास लुकाएर राखेको भेटिएको छ। बजारमा पर्याप्त मात्रामा ग्यास आपूर्ति भइरहे पनि सर्वसाधारण उपभोक्ताले सहजै ग्यास नपाएको गुनासो बढेपछि विभागले विभिन्न होटल तथा व्यावसायिक प्रतिष्ठानमाथि निगरानी बढाएको थियो।

अनुगमन र फेला परेका सिलिन्डर

सोही क्रममा गरिएको अनुगमनका क्रममा रेडिसन होटलमा ‘नेपाल ग्यास’ र ‘एसटीसी ग्यास’का कुल १८४ वटा सिलिन्डर मौज्दात राखिएको पाइएको छ। विभागका अनुसार, अनुगमन टोलीले होटल परिसरमा नेपाल ग्यासका ११७ वटा भरिएका सिलिन्डर र एसटीसी ग्यासका ६७ वटा सिलिन्डर फेला पारेको हो। यसका साथै, होटलको भान्छामा थप करिब ७० वटा सिलिन्डर प्रयोग भइरहेको पनि पाइएको छ।

कारबाही प्रक्रिया अघि

बजारमा सर्वसाधारण उपभोक्ताले ग्यास अभावको समस्या झेल्नु परेका बेला, होटलले नियमविपरीत ठूलो परिमाणमा ग्यास मौज्दात राखेको भेटिएपछि मन्त्रालयले सम्बन्धित होटलमाथि आवश्यक कारबाही प्रक्रिया अघि बढाएको जनाएको छ।

मन्त्रालयको प्रतिबद्धता

मन्त्रालयले बजारमा ग्यासको सुलभ आपूर्ति हुँदाहुँदै उपभोक्ताले अभाव झेल्नुपर्ने बाध्यताको अन्त्य गर्न होटल, व्यावसायिक प्रतिष्ठान तथा ग्यासको अनधिकृत भण्डारणमाथि अनुगमन र निगरानीलाई अझ कडाइ गर्ने स्पष्ट पारेको छ।

गुनासो बढेपछि गरिएको अनुगमन

विभागले सर्वसाधारण उपभोक्ताले सहजै ग्यास नपाएको गुनासो बढेपछि रेडिसन होटलमा गरिएको अनुगमनबाट यस्तो तथ्य पत्ता लगाएको हो। यसअघि पनि विभागले काठमाडौँ उपत्यकाका विभिन्न ग्यास उद्योग र डिपोमा अनुगमन गरिसकेको छ।

Originally published on abcnews.com.np.