झापा । झापा गाउँपालिका–४ स्थित हुलाकी राजमार्गमा टिपरको ठक्करबाट एक वृद्धको मृत्यु भएको छ।
शनिबार साँझ ना.५ ख ६४९० नम्बरको टिपरले साइकलमा सडक पार गर्दै गरेका स्थानीय ६५ वर्षीय सशन लाल गणेशलाई ठक्कर दिएको थियो। टिपरको ठक्करबाट गम्भीर घाइते भएका गणेशलाई उपचारका लागि बीएन्डसी अस्पताल बिर्तामोड लगिएको थियो। उपचारका क्रममा उनको मृत्यु भएको जिल्ला प्रहरी कार्यालय झापाले जनाएको छ।
दुर्घटनापछि आक्रोशित स्थानीयवासीले टिपरमा तोडफोड गरेका थिए। घटनामा संलग्न टिपर चालक झापा गाउँपालिका–४ का फागुलाल राजवंशीलाई इलाका प्रहरी कार्यालय कुमरखोदले पक्राउ गरेको छ।
प्रहरीले घटनाबारे थप अनुसन्धान भइरहेको जनाएको छ।
Originally published on abcnews.com.np.
प्रतिक्रिया दिनुहोस्