आफ्नो व्यक्तिगत गोपनीयता र प्रतिष्ठामा गम्भीर असर परेको भन्दै युवतीले भिडियो खिचेर सामाजिक सञ्जालमा सार्वजनिक तथा प्रसार गर्ने व्यक्तिविरुद्ध जिल्ला प्रहरी कार्यालय काभ्रेमा जाहेरी दर्ता गराएकी हुन् ।

जिल्ला प्रहरी कार्यालय काभ्रेका अनुसार जाहेरीका आधारमा फौजदारी कसुरमा अनुसन्धान सुरु गरिएको छ । प्रहरीले घटनालाई व्यक्तिगत गोपनीयताको उल्लंघन, साइबर अपराध तथा अभद्र व्यवहारलगायत कानुनी कोणबाट अनुसन्धान गरिरहेको जनाएको छ ।

प्रहरी कर्मचारीविरुद्ध पनि छानबिन

घटनामा जोडिएका प्रहरी कर्मचारीको भूमिकाबारे पनि आन्तरिक छानबिन अघि बढाइएको छ । जिल्ला प्रहरी कार्यालय काभ्रेका डीएसपी रविन विष्टको नेतृत्वमा पाँच सदस्यीय छानबिन समिति गठन गरिएको छ ।

समितिले प्रहरी चौकी इन्चार्जको पदीय आचरण, अनुशासन तथा घटनासँग सम्बन्धित अन्य विषयमा छानबिन गर्नेछ ।

भिडियो सामाजिक सञ्जालमा सार्वजनिक भएपछि प्रहरीले घटनालाई गम्भीरतापूर्वक लिँदै दुवै पक्षबाट अनुसन्धान अघि बढाएको जनाएको छ । दोषी पाइएमा प्रचलित कानुनअनुसार कारबाही गरिने प्रहरीले जनाएको छ।