उपत्यका अपराध अनुसन्धान कार्यालयको पिलर–४ मा कार्यरत खत्री नेतृत्वको टोलीले साउन २८ गते कलंकीबाट अपहरणमा परेका एक युवालाई सकुशल उद्धार गरेको थियो । टोलीले घटनामा संलग्न सात जनालाई समेत पक्राउ गर्न सफल भएको थियो ।

उक्त घटनाको सफल अनुसन्धान र अपहरित व्यक्तिको उद्धारमा महत्वपूर्ण भूमिका खेलेको भन्दै कार्यालयका प्रमुख प्रहरी वरिष्ठ उपरीक्षक (एसएसपी) सन्तोष खड्काले खत्रीलाई पुरस्कृत गरेका हुन् ।

यस घटनामार्फत उपत्यका अपराध अनुसन्धान कार्यालयले आफ्नो अधिकारअन्तर्गत पहिलोपटक औपचारिक रूपमा मुद्दा दर्ता गरी अनुसन्धानसमेत अघि बढाएको छ ।

साउन २८ गते कलंकी क्षेत्रबाट एक युवालाई अपहरण गरी नागार्जुनतर्फ लगिएको सूचना पाएपछि प्रहरी निरीक्षक खत्री नेतृत्वको टोली परिचालन भएको थियो । टोलीले अपहरित युवाको सकुशल उद्धार गर्नुका साथै घटनामा संलग्न सात जनालाई पक्राउ गरेको थियो ।