काठमाडौं । नेपाल राष्ट्र बैंकका नवनियुक्त डेपुटी गभर्नर दीर्घबहादुर रावलले आज पद तथा गोपनीयताको शपथ लिएका छन् । उनी बिहीबार गभर्नर प्रा.डा. विश्वनाथ पौडेलसमक्ष शपथ लिएका हुन् ।
बुधबार बसेको मन्त्रीपरिषद् बैठकको निर्णयअनुसार रावललाई डेपुटी गभर्नरमा नियुक्त गरिएको हो । नेपाल राष्ट्र बैंकले सो जानकारी दिएको छ ।
रावलले २०६२ माघ २ गते सहायक निर्देशकको रूपमा बैंक सेवा प्रवेश गरेका थिए । त्यसयता उनी विभिन्न पदमा बढ्दै गएका हुन् ।
रावल २०६९ सालमा उप–निर्देशक, २०७५ सालमा निर्देशक हुँदै २०८२ जेठ १९ गते कार्यकारी निर्देशकमा पदोन्नति भएका थिए । कार्यकारी निर्देशक बनेपछि उनले बैंक सुपरिवेक्षण विभागको नेतृत्व सम्हाल्दै आएका थिए । उनी बैंकिङ क्षेत्रमा अनुभवी मानिन्छन् ।
Originally published on abcnews.com.np.
प्रतिक्रिया दिनुहोस्