काठमाडौं । पछिल्लो दुई दिनमा तोलामा १२ हजार ६ सय रुपैयाँले बढेको सुनको भाउ आज पनि बढेको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा २ हजार ८ सय रुपैयाँले बढेर ३ लाख १९ हजार ५ सय रुपैयाँ पुगेको छ।

यसअघि शुक्रबार सुनको मूल्य तोलाको ३ लाख १६ हजार ७ सय रुपैयाँ कायम थियो। त्यस दिन सुनको भाउ तोलामा ९ हजार ३ सय रुपैयाँले बढेको थियो। त्यसअघि अघिल्लो शुक्रबार पनि सुनको मूल्य तोलामा ३ हजार ३ सय रुपैयाँ बढेको थियो। यसरी तीन दिनमा सुनको भाउ तोलामा १५ हजार ४ सय रुपैयाँले वृद्धि भएको छ।

चाँदीको मूल्य घट्यो

सुनको मूल्य बढे पनि चाँदीको भाउ भने आज घटेको छ। महासंघका अनुसार चाँदी तोलामा १० रुपैयाँले घटेर ४ हजार ९ सय ७५ रुपैयाँमा झरेको छ।

यसअघि शुक्रबार चाँदीको मूल्य तोलामा १३० रुपैयाँले बढेर ४ हजार ९ सय ८५ रुपैयाँ पुगेको थियो।

सुनको उच्चतम मूल्य ३ लाख ३९ हजार ३ सय

नेपाली बजारमा सुनको हालसम्मकै उच्च मूल्य गत माघ १५ गते कायम भएको थियो। उक्त दिन सुन तोलामा २० हजार ५ सय रुपैयाँले बढेर ३ लाख ३९ हजार ३ सय रुपैयाँ पुगेको थियो।

त्यस्तै, चाँदीको हालसम्मकै उच्च मूल्य गत माघ १८ गते कायम भएको थियो। त्यस दिन चाँदी तोलामा १ हजार ५ सय ६५ रुपैयाँले घटेर ७ हजार ५०५ रुपैयाँ पुगेको थियो।

Originally published on abcnews.com.np.