रूपन्देही । राष्ट्रिय युवा संघ नेपाल लुम्बिनी प्रदेश कमिटीले रोल्पाको थवाङ गाउँपालिका–५, कोटलबारका पहिरोपीडितलाई ५१ हजार रुपैयाँ सहयोग गरेको छ ।
साउन २७ गते परेको अविरल वर्षापछि कोटलबारमा गएको पहिरोमा परी १३ जनाको मृत्यु भएको थियो भने नौ वटा घरमा क्षति पुगेको थियो ।
राष्ट्रिय युवा संघ नेपाल लुम्बिनी प्रदेश अध्यक्ष सन्तोष ओलीको अध्यक्षता तथा नेकपा एमालेका केन्द्रीय सदस्य नवीन रोकाको प्रमुख आतिथ्यतामा आयोजित कार्यक्रममा बाढीपीडित संघर्ष समितिका सदस्य निमबहादुर सुवेदीलाई सहयोग रकम हस्तान्तरण गरिएको हो ।
पीडित परिवारलाई राहत तथा सहयोग उपलब्ध गराउने उद्देश्यले सहयोग रकम प्रदान गरिएको राष्ट्रिय युवा संघले जनाएको छ ।
कार्यक्रममा स्थानीय शिक्षक, प्रहरी, युवा संघका नेता तथा कार्यकर्तालगायतको सहभागिता रहेको थियो ।
Originally published on abcnews.com.np.
प्रतिक्रिया दिनुहोस्