सिड्नी । बेलायतबाट अस्ट्रेलियातर्फ उडिरहेको यात्रुवाहक विमानमा एक महिला यात्रुले मदिराको नशामा सार्वजनिक रूपमा कपडा खोलेर हंगामा गरेपछि उनीमाथि कानुनी कारबाही भएको छ।

वेस्ट योर्कशायरको ह्यालिफ्याक्स निवासी ३० वर्षीया सराह पार्करले बर्मिंघमबाट अस्ट्रेलियाको मेलबर्नतर्फ उडेको विमानभित्र अभद्र व्यवहार गरेको आरोप स्वीकार गरेकी छन्।

घटना गत जुलाई २४ मा भएको बताइएको छ। विमान उडेलगत्तै पाइलटको निर्देशनलाई बेवास्ता गर्दै पार्कर आफ्नो सिटबाट उठेकी थिइन्। त्यसपछि विमानको बीचको गल्लीमा उनले आफ्ना भित्री वस्त्र खोलेर अन्य यात्रुहरूलाई असहज हुने गरी व्यवहार गरेको अभियोगमा उल्लेख छ।

उनले विमानमा मदिरा सेवन गरेर मातेको अवस्थामा चालक दलको निर्देशन नमानेको आरोपसमेत स्वीकार गरेकी छन्।

म्यानचेस्टर मजिस्ट्रेट अदालतमा उपस्थित पार्करले सार्वजनिक शिष्टाचारविरुद्धको व्यवहार गरेकोमा दोष स्वीकार गरेकी हुन्।

अदालतको टिप्पणी

सुनुवाइका क्रममा जिल्ला न्यायाधीश साइमन ब्लेकब्रोले यात्रुहरूले खचाखच भरिएको विमानमा यस प्रकारको व्यवहार गम्भीर प्रकृतिको भएको टिप्पणी गरेका छन्।

विमानभित्र भएको उक्त घटनाका कारण यात्रु तथा चालक दलका सदस्यहरूबीच केही समय असहज अवस्था सिर्जना भएको बताइएको छ।

Originally published on abcnews.com.np.