तनहुँ । व्यास नगरपालिका–१२, छिर्कनेस्थित पृथ्वी राजमार्गमा पहिरो खस्दा सडक एकतर्फी अवरुद्ध भएको छ । आइतबार साँझ करिब ७ः४५ बजे पहिरो खसेपछि राजमार्गमा यातायात प्रभावित भएको हो ।
पहिरोका कारण एकतर्फी लेनबाट सवारीसाधन सञ्चालन भइरहे पनि आवतजावतमा समस्या भइरहेको जिल्ला प्रहरी कार्यालय तनहुँले जनाएको छ ।
पहिरो हटाउन डोजरलगायतका उपकरण परिचालन गरी सडक खुलाउने प्रयास भइरहेको प्रहरीले जनाएको छ । घटनास्थलमा प्रहरी टोली परिचालन गरिएको छ भने सवारी चालकलाई सावधानी अपनाउन आग्रह गरिएको छ ।
Originally published on abcnews.com.np.
प्रतिक्रिया दिनुहोस्