काठमाडौं । फ्लूका कारण ज्वरो आएपछि ९९ वर्षीया पूर्वमुमाबडामहारानी रत्नराज्यलक्ष्मी शाह थापाथलीस्थित नर्भिक अस्पतालमा भर्ना भएकी छन्।
अस्पतालका प्रशासन प्रमुख विमल बोगटीका अनुसार शाहको स्वास्थ्यमा कुनै जटिल समस्या छैन। उनको स्वास्थ्य स्थिर रहेको र अहिले सुधार भइरहेको उनले बताए।
आइतबार बेलुकी अस्पताल भर्ना भएकी शाहको वरिष्ठ फिजिसियनहरूले स्वास्थ्य निगरानी गरिरहेका छन्। बोगटीका अनुसार उनलाई बुधबार अस्पतालबाट डिस्चार्ज गर्ने तयारी गरिएको छ।
Originally published on abcnews.com.np.
प्रतिक्रिया दिनुहोस्