रामेछाप । जेनजी आन्दोलनका क्रममा प्रहरी हिरासतबाट फरार भएका एक व्यक्ति जबरजस्ती करणीको आरोपमा रामेछापबाट पक्राउ परेका छन्।

जिल्ला प्रहरी कार्यालय रामेछापका अनुसार ६१ वर्षीया महिलालाई जबरजस्ती करणी गरेको आरोपमा प्रेम बिसुङ्खेलाई भदौ ३ गते रामेछाप नगरपालिका–४ तिलबारीबाट पक्राउ गरिएको हो। उनी भदौ २ गते घटना भएपछि फरार रहेको प्रहरीको भनाइ छ।

प्रहरीका अनुसार बिसुङ्खे यसअघि २०८२ भदौ २४ गते जेनजी आन्दोलनका क्रममा चोरी मुद्दाको अनुसन्धानका लागि सुनसरीको पकलीस्थित इलाका प्रहरी कार्यालयको हिरासतमा रहेका बेला फरार भएका थिए।

अदालतबाट म्याद थप गरी अनुसन्धान भइरहेका बेला उनी हिरासतबाट भागेको प्रहरीले जनाएको छ। त्यसपछि रामेछापको तिलबारी क्षेत्रमा लुकिछिपी बसिरहेको अवस्थामा उनलाई पक्राउ गरिएको हो।

पक्राउ परेका बिसुङ्खेलाई अदालतबाट म्याद थप गरी जबरजस्ती करणीसम्बन्धी घटनामा अनुसन्धान अघि बढाइएको जिल्ला प्रहरी कार्यालय रामेछापले जनाएको छ। घटना र उनको विगतको फरारीसम्बन्धी विषयमा समेत थप अनुसन्धान भइरहेको प्रहरीले जनाएको छ।

Originally published on abcnews.com.np.