काठमाडौं । एमएडब्लू वृद्धि मोटर्सले नेपालका लागि डोङफेङ नामी इलेक्ट्रिक सवारीसाधनको आधिकारिक वितरकका रूपमा नाडा अटो शो २०२६ मा नयाँ नामी बक्स ई२ को बुकिङ तथा बिक्री सुरु गरेको छ। कम्पनीले बक्स ई२ लाई ३३० र ४३० गरी दुई भेरियन्टमा सार्वजनिक गरेको हो।
नाडा अटो शो अवधिभर बक्स ई२ ३३० को विशेष मूल्य २९ लाख ९९ हजार रुपैयाँ र बक्स ई२ ४३० को ३१ लाख ९९ हजार रुपैयाँ तोकिएको छ। नाडा अटो शोपछि यी दुई भेरियन्टको मूल्य क्रमशः ३० लाख ९९ हजार र ३२ लाख ९९ हजार रुपैयाँ हुने कम्पनीले जनाएको छ। सिल्भर तथा डुअल–टोन रङका लागि थप ५० हजार रुपैयाँ शुल्क लाग्नेछ।
नयाँ बक्स ई२ मा के छ?
सन् २०२४ मा नेपाली बजारमा आएको नामी बक्सले आकर्षक डिजाइन, फराकिलो क्याबिन, विभिन्न रङ विकल्प र व्यावहारिक ड्राइभिङ रेन्जका कारण बजारमा राम्रो उपस्थिति बनाएको कम्पनीको दाबी छ।
नयाँ बक्स ई२ लाई प्रतिस्पर्धी मूल्यमा ल्याउने क्रममा अघिल्लो मोडलमा रहेका केही सुविधा हटाइएको छ। कम्पनीका अनुसार नयाँ संस्करणमा लेभल–२ एडीएएस, स्वचालित पार्किङ र एम्बियन्ट लाइटिङ उपलब्ध छैन।
तर, नयाँ मोडलमा डार्क मोड, इन–बिल्ट कारप्ले र ६ वटा एयरब्याग उपलब्ध छन्। साथै, पाँच जनासम्म यात्रुका लागि फराकिलो तथा आरामदायी क्याबिनलाई निरन्तरता दिइएको छ।
३१७ किलोमिटरसम्म डब्लुएलटीपी रेन्ज
बक्स ई२ ३३० ले २३७ किलोमिटर डब्लुएलटीपी रेन्ज प्रदान गर्छ भने बक्स ई२ ४३० ले ३१७ किलोमिटर डब्लुएलटीपी रेन्ज दिने कम्पनीले जनाएको छ।
यसका आधारमा ग्राहकले आफ्नो दैनिक आवतजावत र प्रयोगको आवश्यकताअनुसार दुईमध्ये उपयुक्त भेरियन्ट छनोट गर्न सक्नेछन्।
नाडा अटो शोमा अवलोकन र बुकिङ
कम्पनीका अनुसार हाल नेपालका सडकमा २ हजारभन्दा बढी नामी इलेक्ट्रिक सवारीसाधन सञ्चालनमा छन्।
नयाँ नामी बक्स ई२ को अवलोकन, टेस्ट अनुभव तथा बुकिङका लागि ग्राहकले नाडा अटो शो २०२६ को स्टल नम्बर ए६ र ए७ मा सम्पर्क गर्न सक्नेछन्।
Originally published on abcnews.com.np.
प्रतिक्रिया दिनुहोस्