चितवन, २१ साउन । अवैधरुपमा राखिएको २३ सय लिटर घरेलु मदिरा जिल्ला प्रहरी कार्यलय चितवनले नष्ट गरेको छ । सोमवार ईलाका प्रहरी कार्यालय भण्डाराका प्रहरी प्रमुख बसन्त आर्चायको नेतृत्वमा खटिएको टोलीले एक हप्ता सम्म राप्ती नगरपालिकाको विभिन्न स्थानबाट नियन्त्रणमा लिएको हो ।
अवैध घरेलु मदिरा प्रहरीले नियन्त्रणमा लिएको अवैध मदिरा तथा कच्चापदार्थ राप्ती नगरपालिकाका उप प्रमुख इमानसिहं लामा र वडा अध्यक्षहरुको रोहवरमा नष्ट गरिएको थियो ।

जिल्ला प्रहरी कार्यालय चितवनले संचालन गरेको सर्च, स्वीप र स्क्रीन अपरेशन अन्तर्गत ईलाका प्रहरी कार्यालय भण्डाराले पछिल्लो एक हप्तामा राप्ती नगरपालिकाको विभिन्न स्थानबाट नियन्त्रणमा अवैध घरेलु मदिरा नियन्त्रणमा लिएको थियो ।
अवैध घरेलु मदिराको कारणले घरेलु हिंसा बढेको र आपराधिक गतिविधि बढेको समाजमा उक्त गतिविधि रोक्नका लागि घरेलु मदिरा नियन्त्रण अभियान सुरु गरिएको प्रहरी निरीक्षक बसन्त आर्चाययले बताए । दिनहु“ दिन घरेलु हिंसा, झैझगडा लगायतका विभिन्न कुराहरु बढ्दै गइरहेकोले यसलाई न्यूनीकरण गर्नलाई घरेलु मदिरा नष्ट अभियानले महत्वपूर्ण भूमिका निर्वाह गर्ने प्रहरी निरिक्षक बसन्त आचार्यले बताए ।

राप्ती नगरपालिकामा चेपाङ र तमाङ्ग समुदायको बाहुल्यता रहेको वडा नम्बर १, २ , ३ , ६ ,७ र ८ लगायतको स्थानबाट करिब ८ सय लिटर तयारी मदिरा र १ हजार ५ सय लिटर कच्चापदार्थ प्रहरीले बरामद गरेको र मदिरा उत्पादन गर्नेहरुलाई पहिलो पटक भएको ले सम्झाइ बुझाई छोडिएको आचार्यले जानकारी दिए ।

घरेलु मदिरा सेवन गरेर झै झगडा र अन्य अपराध बढ्ने भएकाले अवैध घरेलु मदिरा नियन्त्रण गर्ने कामलाई प्राथमिकता दिइएको ईलाका प्रहरी कार्यालय भण्डाराका प्रमुख प्रहरी निरिक्षक बसन्त आचार्यले बताए ।
घरेलु मदिराको सेवनले राप्ती नगरपालिका ३ मा केहिदिन अघि एक महिलाको ज्यान समेत गएको थियो ।