काठमाडौं,२५ साउन । विभिन्न १४ वटा ट्रेड युनियन महासंघहरुले श्रमिकहरुको न्युनतम तलब निर्धारण गर्दा सरकारद्वारा अवलम्बन गरिएको विधि, पद्धतिको विरोध गर्दे आन्दोलन गर्ने भएका छन् । .
शुक्रबार काठमाडौंमा पत्रकार सम्मेलन गर्दे संयुक्त ट्रेड युनियन सर्घष समितिले सरकारद्धारा घोषित तलबमा श्रमिकहरुको वर्तमान आवश्यकता र श्रममा योगदानका हिसाबले समेत त्रुटिपूर्ण र अमान्य रहेकोले त्यसका विरुद्ध संघर्ष गर्ने जनाएको हो ।
उनीहरुले न्युनतम पारिश्रमिक रु २२ हजार तोक्न माग गर्दे बृद्धि रकम सबै तह क्षेत्र र श्रमिकहरुका लागी लागू गर्नुपर्ने जनाएका छन् । श्रमिहरुको पञ्जीकरण गर्ने व्यवस्था गर्नुपर्ने , रोजगारी र सुरक्षाको व्यवस्था गर्नुपर्ने जनाएका छन् ।
पत्रकार सम्मेलनमा नेपाल ट्रेड युनियन महासंघ स्वतन्त्रका अध्यक्ष इन्द्र देव मिश्रले १३ हजार चार सय ५० रुपैया बृद्धिले श्रमिकहरुको अपमान गरिएको बताउनुभयो । उहाले कामदारले विरोध गर्न पाउनुपर्ने अधिकारलाई कुण्ठित गर्दे सरकारले श्रमिक विरोधी ऐन ल्याएको आरोप लगाउनुभयो ।
समितिले आफ्नो माग पुरा गर्नका लागी दवाव दिन काठमाडौमा बृहत प्रर्दशन गर्ने जनाएको छ । सघर्ष समितिले सामाजिक सुरक्षा कोषको रकम सहमति भएको मितिदेखि नै दाखिला गर्न पनि माग गरेको छ ।
प्रतिक्रिया दिनुहोस्