डोल्पा,३० साउन । हिमाली जिल्ला डोल्पामा पहिरोको डरले एक स्थायी प्रहरी चौकीन विस्थापित भएको छ । ठुलीभेरी नगरपालिकामा ९ मा पर्ने स्थायी प्रहरी चौकी कालागौँडा पहिरोको डरले बिस्थापित भएको हो ।

पहिरोसँगै आएको ठुलो ढुङ्गाले चौकीको आगन भासिएको छ भने गारोको छेउमा हालिएका काठका रेलिङहरु समेत भाँचिएका छन् । बुधबार बिहान ३ बजे चौकी माथीबाट पहिरो खसेर चौकीमा क्षती पु¥याएकाले चौकी अर्को घरमा सारिएको प्रहरी निरीक्षक शसीराम ओलीले जानकारी दिनुभयो ।

चौकीलाई आशिंक रुपमा क्षती भएपनि निरन्तर पहिरो खसिरहेकाले बस्न नसकिने स्थिती भएपछि चौकी सरेको ओलीले जानकारी दिनुभयो । चौकीका सबै सामानहरु र प्रहरीहरु सरेपनि चौकीको बोर्ड त्यतै रहेको र आईपर्ने प्राकृतिक प्रकोप बिरुद्ध सचेत गराउन प्रहरीलेसुरक्षा दिईरहेको बताईएकोे छ ।

निरन्तरको पहिरोले कालागौँडा बस्तीका दश घर जोखिममा रहेको वडा नं ९ का अध्यक्ष बिरमल भण्डारीले जानकारी दिनुभयो ।

केही घरधनीहरु जोखिमयुक्त ठाँउ छोडेर सुरक्षित ठा“उतर्फ गईसकेको र बाँकी घरहरुलाई त्यता नबस्न सचेत समेत गराईएको उहाँले जानकारी दिनुभयो ।
निरन्तर खसिरहेको पहिरोले आन्तरिक रुपमा चलिरहेको जुफाल दुनै यातायात प्रभावित भएको छ,भने पैदलयात्रीलाई समेत जोखिम बढेको  छ ।