वीरगन्ज,३१ साउन । आयोगको हत्या प्रकरणमा सफल भए पनि प्रहरीले पर्साका दुई बालक हत्या घटनाको दोषी पत्ता लगाउन सकेको छैन ।
०७४ मंसिर १६ गते शिवजी शाहको दाइ सञ्जय शाहको १० वर्षीय छोरा सुमित शाहको पनि हत्या भएको थियो । घरबाट हराएको ४ दिनपछि सुमितलाई छुरा प्रहार गरी मारेर पोखरीमा फालिएको अवस्थामा शव फेला परेको थियो । उनको हत्यारा प्रहरीले अझैसम्म पत्ता लगाउन सकेको छैन ।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक थापाले सुमित शाहको हत्याको घटनालाई पनि जोडेर अनुसन्धान हुने जानकारी दिए ।
त्यसैगरि ०७३ असोज २० गते मृत भेटिएका बहुदरमाई वडा नं. ८ रामनगरी बस्ने विनोद पटेलको छोरा वर्ष ९ को राजन पटेलको हत्यारा पनि प्रहरीले पत्ता लगाउन सकेको छैन ।
प्रतिक्रिया दिनुहोस्