काठमाडौँ, २४ भाद्र। पोखराको बेगनास तालमा हिजो शनिबार डुंगा पल्टदा बेपत्ता ६ जनाको शव भेटिएको छ ।
तालमा हराइरहेका ३२ वर्षीय रवि खनाल, ७ वर्षका शंकर खनाल, ८ वर्षका शिव खनाल, ५ वर्षका प्राचीन पौडेल, १८ वर्षकी मनिषा बजगाईं र ४ वर्षीय रन्जित गैरेको शव आइतबार फेला परेकोे हो ।
जिल्ला प्रहरी कार्यालयका प्रवक्ता, डिएसपी रवीन्द्रमान गुरुङले पहिलो शव पौने १० बजे र अन्तिम शव मध्याह्न १२ बजे भेटिएको बताए ।
घटनालगत्तै उद्धार गरिएका चार जनामध्ये उपचारका क्रममा दुई जनाको शनिबारै मृत्यु भएको थियो । पोखरा उपमहानगरपालिका–२८ की कृष्णकुमारी बजगाईं र तनहुँ भिमादकी जानुका गैरेको शनिबार नै मृत्यु भएको हो । दुर्घटनामा परेका सरला खनाल र निशा पौडेल उपचारपछि घर फर्किएको प्रहरीले जनाएको छ ।
प्रतिक्रिया दिनुहोस्