नेपालगन्ज,१० असोज । श्रीमानले कुटोले हानेर घाइते भएका एक महिलाको आज बिहान मृत्यु भएको छ ।
बाँकेको जानकी गाउँपालिका–६ मा गएराति श्रीमानले कुटोले हानेको स्थानीय ३० वर्षीया जानकी गिरीको उपचारकै क्रममा मृत्यु भएको हो ।
जानकीलाई उपचारका लागि नर्सिङ होम नेपालगन्जमा लगिएको थियो ।
मापसे गरेका उनका ३५ वर्षीय श्रीमान प्रेम गिरीले घरायसी विवादमा गए राति जानकीलाई कुटोले हानेर घाइते बनाएका थिए ।
घटनामा संलग्न प्रेम फरार रहेकाले खोजी भइरहेको प्रहरी चौकी गनापुरले बताएको छ ।
प्रतिक्रिया दिनुहोस्