काठमाडौं ,३१असोज । काठमाडौं उपत्यकाबाट दशैं मनाउन २५ लाखभन्दा बढी यात्रु बाहिरिएका छन् । विगत ६ दिनको अवधिमा उपत्यकाबाट बाहिरिने यात्रुको संख्या २५ लाख भन्दा बढी भएको महानगरीय ट्राफिक महाशाखाले जनाएको छ ।
टाढा–टाढाका यात्रु बाहिरिए पनि काठमाडौं आसपासका सिन्धुपाल्चोक, काभ्रे, नुवाकोट, धादिङलगायत जिल्लाका सर्वसाधारण काठमाडौं उपत्यकाबाट बाहिरिएको महाशाखाले जनाएको छ । दशैंभर काठमाडौबाट करिब २४ लाख मानिस बाहिरिने गरेको महाशाखाले जानकारी दिएको छ ।
काठमाडौंबाट २२ लाख मानिस बाहिरिएसँगै दुई दिनदेखि काठमाडौंको चहलपहल घटेको छ भने, सार्वजनिक यातायातका साधनसमेत कम चल्न थालेका छन् । काठमाडौंका प्रायः सडक र पसल सुनसान देखिन थालेका छन् ।
प्रतिक्रिया दिनुहोस्