काठमाडौं,६ माघ । रामेछापको सदरमुकाम मन्थली नजिकै मन्थली नगरपालिका वडा नम्ब १ मच्छेडाँडीमा बस दुर्घटना हुँदा एक जनाको मृत्यु भएको छ ।
ओखलढुंगाको घाराखोरीबाट काठमाडौंको लागि हिंडेको बा ४ ख ४२१० नम्बरको बस दुर्घटना भएको हो ।
दुर्घटनामा ओखलढुंगाको चंपादेवी गाउँपालिका वडा नम्बर ६ का २५ वर्षीय ओम कार्कीको मृत्यु भएको जिल्ला प्रहरी कार्यालय रामेछापका प्रहरी निरीक्षक रविभुषण यादवले जानकारी दिएका छन ।
दुर्घटनामा अन्य २० जना घाइते भएका छन् । घाइतेमध्ये गम्भीर ६ जनालाई उपचारका लागि काठमाडौं रेफर भएको प्रहरी निरीक्षक यादवले जानकारी दिए ।
अन्य घाइतेहरुको भने मन्थलीस्थिति तामाकोसी सहकारी अस्पतालमा उपचार भइरहेको छ ।
प्रतिक्रिया दिनुहोस्