बाजुरा, १९ असोज । बाजुराको उत्तरी भेगमा रहेको बूढीनन्दा नगरपालिका–३ कोल्टीमा रहेको बड्डीगाड लघुजलविद्युत् आयोजना आज बिहानबाट अवरुद्ध भएको छ ।
विद्युत्को नहरमा पहिरो आएपछि विद्युत् अवरुद्ध भएको स्थानीयवासीले बताएका छन् । विद्युत् अवरुद्ध हुँदा नगरपालिकाका–१, २, ३ र ५ वडाका स्थानीयवासीले अँध्यारोमा बस्नुपर्ने भएको छ । पहिरो नरोकिएपछि नहर मर्मत गर्न कठिनाइ भएको स्थानीयवासी धनबहादुर बोहराले बताउनुभयो ।
विद्युत्को नहरमा आएको पहिरो रोकिएपछि विद्युत् सञ्चालन गर्न पहल गर्ने नगरप्रमुख पदमकुमार गिरीले बताउनुभयो ।
प्रतिक्रिया दिनुहोस्