काठमाडौं, १६  चैत । शुक्रवारदेखि सुरु भएको लगानी सम्मेलन आज समापन भएको छ । समापन कार्यक्रमका प्रमुख अतिथि नेकपाका अध्यक्ष एवं पूर्व प्रधानमन्त्री पुष्पकमल दाहाल प्रचण्डको आतिथ्यमा समापन हुदैं छ ।

दुई दिन सम्म चलेको सम्मेलनमा सहभागिहरुले नेपाल लगानीका लागी उपयुक्त गन्तव्य रहेको नेपालमा लगानी गर्दै आएका उद्योगी, व्यवसायी तथा लगानीकर्ताले बताएका छन् । अन्तर्रा्ष्ट्रिय लगानी सम्मेलनका क्रममा आयोजित नेपालमा लगानीः अनुभव आदानप्रदान सत्रमा नेपालमा लगानी गदै आएका व्यक्तिवहरुले नेपाल विश्वकौ वढि नाफा आर्जन गर्न सकिने मुलुक रहेको वताएका छन् ।

नेपाल लगानी सम्मेलनमा सहभागी उद्योगी तथा व्यापारीहरुले नेपाल व्यवसाय गर्नका लागि उत्कृष्ट गन्तव्य भएको बताएका छन् । उनीहरुले नेपालमा उद्योग, व्यवसाय संचालन गर्न सहज वातावरण भएको टिप्पणी गरेका छन् ।

दक्ष एवं काम गर्न सक्ने जनशक्तिको उपलब्धता, राजनीतिक स्थायित्वसहितको स्थिर सरकार, लगानीमैत्री वातावरण भएकाले नेपाल समकालीन विश्वको सबैभन्दा आकर्षक गन्तव्यका रुपमा रहेको लगानीकर्ताले बताए । नेपाल उद्योग वाणिज्य महासंघकी अध्यक्ष भवानी राणाले नेपाल राजनीतिक संक्रमण पार गरी आर्थिक विकासको चरणमा प्रवेश गरेको र वर्तमान सरकारस“गै निजी क्षेत्र पनि ठूला परियोजना निर्माणको तयारीमा जुटेको बताइन् । उनले नेपालमा औद्योगिक वातावरण निर्माण भएको उल्लेख गर्दै लगानीको उपयुक्त समय आएको बताइन् ।

गैरआवासीय नेपाली संघका संस्थापक अध्यक्ष उपेन्द्र महतोले नेपाल वैदेशिक लगानीका लागि सुरक्षित र भरपर्दो मुलुक भएको दाबी गरे । लगानी गरेर उच्च नाफा लिन सकिने मुलुकका रुपमा नेपाल रहेको भन्दै उनले समस्या हरेक देशमा हुने भए पनि पछिल्ला दिनमा भने यहा“ व्यवधान नरहेको दाबी गरे । नेपाली जनता र यहा“को सरकारी संयन्त्र सहज भएकाले लगानीका लागि कुनै झन्झट व्यहोर्नु नपर्ने उनको भनाइ छ ।

एशियाली विकास बैंकका उपाध्यक्ष सिजिन चेनले मध्यमस्तरको आय भएको मुलुकमा रुपान्तरणका लागि नेपालले भौतिक पूर्वाधारको क्षेत्रमा ठूलो लगानी गर्नुपर्ने औंल्याए । बैंकले गौतमबुद्ध अन्तर्राष्ट्रिय विमानस्थल, मेलम्ची खानेपानी आयोजना, भूकम्पबाट क्षतिग्रस्त विद्यालयका भवन पुनः निर्माणलगायत विभिन्न परियोजनामा लगानी गरेको जानकारी दिंदै उनले नेपालको विकासका लागि थप लगानी गर्न तयार रहेको प्रतिवद्धता व्यक्त गरे ।

नेपाल उद्योग परिसङ्घका अध्यक्ष हरिभक्त शर्माले नेपालको हावापानीको दृष्टिकोणले पनि व्यवसाय कालागी उत्कृष्ट रहेको बताए । जुनसुकै अवस्थामा पनि सहजै काम गर्न सकिने वातावरण रहेको उल्लेख गर्दै मौसमका कारण काम बन्द गर्नु नपर्ने उनको भनाइ छ । अध्यक्ष शर्माले नेपालमा उच्च मूल्यका कृषि तथा जडीबुटीको उत्पादन गर्न सकिने सम्भावना रहेको उल्लेख गर्दैे यस क्षेत्रबाट उच्च मुनाफा आर्जन गर्न सकिने दाबी गरे ।

नेपाल प्राकृतिक स्रोत साधनले भरीपूर्ण छ । यहा“ ती उपलब्ध स्रोत साधनको परिचालनको खा“चो रहेको छ । तसर्थ, नेपालमा ठूलो लगानी भित्राएर उत्पादन बढाउन सके नेपालको आर्थिक समृद्धिका साथै लगानीकर्ताको लगानी सुनिश्चित हुने छ ।