बुटवल,१ जेठ । रुपन्देहीमा विवाह मिति फिक्स भएकी एक युवती मृत अवस्थामा फेला परेकी छन् । गैडहवा गाउँपालिका वडा न.१ साडीको भुझौली भन्ने गाउमा उनको शव फेला परेको हो । बिहेको तयारीमा रहेकी १९ वर्षीय सवनामको निशा नाम गरेकी किशोरी विहान ७ बजे खेतको सुख्खा कुलोमा मृत अवस्थामा फेला परेकी हुन् ।

स्थानीयले शव देखेपछि प्रहरीलाइ खबर गरेका थिए । सो घटनामा संकास्पद भेटिएपछि एक युवालाई प्रहरीले नियन्त्रणमा लिएको छ । निशाको शवलाइ पोष्टमार्टका लागी त्रिवि टिचिङ अस्पताल महाराजगंञ्ज काठमाण्डौ पठाइएको छ । रुपन्देही प्रहरी प्रमुख प्रहरी उपरिक्षक ह्दय थापाले घटना गम्भीर प्रकृतिको भएका कारण घटनाको अनुसन्धानलाई तिव्र पारिएको बताउनुभयो ।
‘

पोष्टमार्टमबाट आएको रिपोर्ट अनुसार घटनाको अनुुसन्धान गर्छौ, चाडै नै बास्ताविकता पत्ता लगाई दोषिलाई कानुनी दायरामा ल्याउछौं । ’ प्रमुख प्रहरी उपरिक्षक थापाले भन्नुभयो । ‘सोमबार राति खाना खाएपछि छोरी कोठामा सुत्न गयो, कोठामा राति आमाले हेर्दा विस्तारामा नभएपछि खोज्यौं, मंगलबार पनि दिनभर खोज्यौ फेला पारेनौ तर आज यही भेटियो’ ।

निशाका वुवा महोम्मद हिसाहारले भन्नुभयो । निशाको विहे यो महिनामा हुने तय समेत भएको बुवाले बताउनुभयो । निशाको हत्या गरेर फालिएको अनुमान गरिएको छ ।