काठमाडौं,१२ जेठ । राजधानीको सुकेधारा र घट्टेकुलमा आइतबार दिउँसो भएका दुई फरक–फरक विस्फोटमा तीन जनाको ज्यान गएको छ।

सुकेधारामा ग्यास सिलिन्डर विस्फोट हुँदा दुई जनाको मृत्यु भएको हो। घटनामा ५ जना घाइते रहेको महानगरीय प्रहरी वृत्त ले जनाएको छ । घाइतेलाइ ५ ओम अस्पताल लगिएको छ। मृतकको सनाखत हुन सकेको छैन। प्रहरीले मुचुल्का उठाउने काम गरिरहेको छ।

घट्टेकुलोमा भएको विस्फोटमा एक जनाको ज्यान गएको केन्द्रीय प्रहरी प्रवक्ता डीआईजी विश्वराज पोखरेलले जानकारी दिए। घट्टेकुलोमा २ व्यक्ति घाइते भएका छन्।

त्यहाँ नेपाली सेना, नेपाल प्रहरी र सशस्त्र प्रहरीको टोली पुगेको छ। सञ्चारकर्मीलाइ घटना स्थलमा जानबाट रोकिएको छ। घट्टेकुलोस्थित संगम गल्लीभित्रको घरमा बिस्फोट भएको हो। त्यहाँ घाइते भएका एक जनालाई वीर अस्पताल लगिएको छ। विस्फोटपछि एक जना घाइते भागेको स्थानियबासीले बताए ।