काठमाडौं, ३ असार । लागु औषध सहित एक जना भारतिय नागरिकलाई सशस्त्र प्रहरीले नियन्त्रणमा लिएको छ ।

सशस्त्र प्रहरी बल भन्सार राजश्व गस्ती टोलीले लेहेङ्गगा भित्र लुकार्ई ल्याउदै गरेको अवस्थामा ६ सय गोटा लागु औषध सहित मंगलवार भारत पुर्वी चम्पारण बस्ने १८ बर्षीय राजु गुप्तालाई पक्राउ गरेको हो ।

छिमेकी मुलुक भारतको रक्शौलबाट वीरगंज तर्फ लेहेङ्गगामा लुकाई ल्याउदै गरेको अवस्थामा नियमित चेकजाँचको क्रममा वीरगंज १६ रजत जयन्ती चोकबाट सशस्त्र प्रहरीको भन्सार राजश्व गस्ती टोलीले उक्त परिमाण बराबरको लागु औषध सहित गुप्तालाई नियन्त्रणमा लिएको सशस्त्र प्रहरी नायव उपरिक्षक तिलक खड्काले जानकारी दिनु भयो ।

सशस्त्र प्रहरीको भन्सार राजश्व गस्ती टोलीले लागु औषध सहित नियन्त्रणमा लिएको गुप्तालाई आवश्यक कारवाहीको जिल्ला प्रहरी कार्यालय पर्सामा बुझाएको राजश्व गस्ती वीरगंजका प्रमुख सशस्त्र प्रहरी नायव उपरिक्षक खड्काले बताउनुभयो ।