काठमाडौं, ७ पुस । शहीद स्मारक ए डिभिजन लिग अन्तरगत आज हुने दुई खेलमा ठूला क्लबबीच प्रतिस्पर्धा हुँदैछ ।
सोमबार जारी पहिलो खेलमा सहिद स्मारक ए डिभिजन लिगअन्तर्गत खेलको पहिलो हाफ गोलरहित बराबरीमा टुंगिएको छ।

जितका साथ लिगको सुरुवात गरेका दुवै टोलीले दशरथ रंगशालामा गोलका केही अवसर पारेर पनि खाता भने खोल्न सकेनन्। आर्मीले फ्रेन्ड्स क्लबलाई २–१ ले र मनाङले एपीएफलाई २–० ले हराउँदै लिगमा विजयी सुरुवात गरेका थिए। दुई उपाधिका दाबेदार क्लबबीचको खेलमा दुवै टिमको लक्ष्य जित नै रहेको छ । यसपटक राष्ट्रिय खेलाडीबिना नै लिगमा उत्रिएको मनाङले पहिलो खेलमा २–१ गोलको जित निकाले पनि सोचेको जस्तो खेल्न सकेको थिएन । आर्मीले मनाङसंग अंक लिने लक्ष्यमा छ ।

लिगको दोस्रो चरणको अन्तिम खेल नेपाल पुलिस क्लब र रुस्थान थ्री स्टार क्लबबीच दिउँसो ३ बजे सुरु हुनेछ। दुवै टिम पहिलो जितेको खोजीमा हुनेछन् ।