काठमाडौं, १४ पुस । इङ्गलिस प्रिमियर लिग फुटबलमा गएराति भएका खेलमा लिभरपुल, चेल्सी र म्यान्चेस्टर सिटी विजयी भएका छन् । गएराति भएको खेलमा लिभरपुलले वुल्भरह्याम्पटन वान्डरर्सलाई १–० गोल अन्तले हरायो ।

लिभरपुलको जितमा सादियो मानेले निर्णायक गोल गरे । प्रिमियर लिगकै अर्को खेलमा चेल्सीले आर्सनललाई लण्डन डर्बीमा २–१ गोल अन्तरले हरायो । आर्सनलका पिएरे एमरिक औबामायङ्गले गोल गर्दै टोलीलाई शुरुवाती अग्रता दिए । तर दोस्रो हाफको अन्तिम ७ मिनेटमा चेल्सीका जर्जीनो र ट्यामी अब्राहमले एक एक गोल गर्दै चेल्सीलाई विजयी गराए । म्यान्चेस्टर सिटीले शेफिल्ड युनाईटेडलाई २–० ले पराजित र्गयो । म्यान सिटीको जितमा सर्जियो अगुएरो र केभिन डे ब्रायनले एक एक गोल गरे ।

गएरातीका खेलहरुपछि इंग्लीश प्रिमियर लिग फुटबलको अंक तालिकामा १९ खेलबाट ५५ अंक जोडेको लिभरपुल शीर्ष स्थानमा छ । एक खेल बढी खेलेको लेष्टर सिटी ४२ अंकसहित दोस्रो स्थानमा रहदा तेस्रो स्थानको म्यान सिटीको ४१ तथा चौथो स्थानको चेल्सीको ३५ अंक छ ।