रोल्पा १ मंसिर । माओवादी नेताहरु कृष्णबहादुर महरा, बर्षमान पुन र सभामुखसमेत रहकी ओनसरी घर्ति मगर लगायत माओवादी नेताहरुलाई लक्षित गरी बम प्रहार भएको छ ।
माओवादी केन्द्रका नेताहरु कृष्णबहादुर महरा र बर्षमान पुन चढेको गाडीलाई लक्षित गरी दुईवटा बम प्रहार भएको भएपनि उनीहरु सकुशल रहेका छन् ।
लिवाङमा वाम गठबन्धनले आयोजना गरेको जनसभालाई सम्बोधन गर्न जाँदै गर्दा लिवाङ र सादोबाटोको बीचमा पर्ने भदौरे जंगलबाट बम प्रहार भएको हो माओवादीले जनाएको छ।
भदौरे जंगलको भीरबाट नेताहरुको गाडी भन्दा १० मिटर अगाडि बम प्रहार भएको माओवादी रोल्पाले जनाएको छ।
उनीहरू सुलिचौरबाट लिवाङका लागि प्रहरी स्कटिङमा लिवाङ जाँदै थिए ।
बम प्रहार भए लगत्तै प्रहरीले भदौरे भीरमा घेरा हालेर बम प्रहार गर्ने अज्ञात समूहको खोजी गरिरहेको प्रहरीले जनाएको छ।
प्रतिक्रिया दिनुहोस्