काठमाडौं, २१ पुस । दशरथ रंगशालामा जडान गरिएको भिआइपी प्यारापिटको छानोबाट पानी चुहिन थालेको छ । हिउदै झरि सुरु भएपछि पानी चुहिन थालेको हो । पानी चुहिन थालेपछि प्यारापिटमा जडान गरिएको फ्याब्रिकबाट पानी चुहिएको छ । पानीले भिआइपीतर्फका कुर्सी र बिछ्याएको कार्पेट समेत भिजेका छन । तर, फ्याब्रिकको जडान राम्रोसंग नभएकोले पानी चुहिने समस्या देखिएको छ पानीको निकास पनि व्यवस्थित हुन सकेको छैन ।फ्याब्रिक गासिएको स्थानबाट पानी चुहिने समस्या देखिएको हो ।

राष्ट्रिय खेलकुद परिषदले दशरथ रंगशालामा गत महिना फ्याब्रिकको प्यारापिट जडान गरेको थियो। चीनबाट खरिद गरिएको प्यारापिटका लागि साढे चार करोड खर्च भएको छ । प्यारापिट आउन ढिलाइ भएपछि खेलकुद परिषद्ले एयर कार्गोमा ५२ लाख रुपैयाँ खर्च गरेर ल्याएको थियो। जसका कारण ढुवानीमा पाँच गुणा बढी खर्च भएको थियो।

गत महिना आयोजना भएको १३औं दक्षिण एसियाली खेलकुद (साग) को उद्घाटन र समापनका लागि खेलकुद परिषद्ले अन्तिम समयमा प्यारापिटको काम गरेको थियो। सोमबारबाट पुन शहिद स्मारक ए डिभिजन लागि खेलहरु संचालन हुदैछन् ।’पा“च करोड खर्च भएको प्यारापिट चुहिन थाल्ुन सकारात्मक सन्देश हुन सक्दैन । राष्ट्रिय खेलकुद परिषदले प्यारापिटको यो हेलचेक्राई सुशासन हुन सक्दैन । खेल क्षेत्रमा भएको यो मजाक शोभनीय होइन।

३ हजार दर्शक क्षमताको भिआइपी प्यारापिटको ‘सिमेन्टेड’ छानो २०७२ वैशाख १२ को विनाशकारी भूकम्पका कारण क्षतिग्रस्त बनेको हो । त्यसपछि सिमेन्टेड छानोको सट्टामा खेलकुद परिषद्ले फ्याब्रिक प्रणाली प्रयोग गर्दै अत्याधुनिक प्रविधि भनेर दाबी गरेको थियो। तर यो प्रणाली राम्रोसंग जडान नहु“दा पानी चुहिने समस्या देखिएको हो । मुलतः गुणस्तरीय सामाग्रीको प्रयोग नहुदा यस्तो समस्या देखिएकोले आगामी दिनमा यस्ता समस्या समाधान गर्न जिम्मेवारहरु नै जिम्मेवार बन्नेकि ?