बुटवल, ९ फागुन
बुटवलमा सम्पन्न तेस्रो खुल्ला लन टेनिस प्रतियोगिताको उपाधि रितिक रानाको पोल्टामा परेको छ ।
मेन्स सिगलको आज भएको फाईनल खेलमा प्रणव खनाललाई ६–४, ६–३ को सोझो सेटमा पराजित गर्दै रितिकले उपाधि हात पारेका हुन । यसैगरि ३५ प्लसको उपाधि कमल भण्डारीले जितेका छन् । भण्डारीले फाईनलमा राजु श्रेष्ठलाई ६–१, ६–१ को सेटमा पराजित गर्दै उपाधि चुमका थिए । ४५ प्लसतर्फको खेलमा चन्द्र शाहीले उपाधि जितेका छन् । चन्द्रले बिमल गुरुङलाई ६–४, ६–४ को सोझो सेटमा पाखा लगाउदै उपाधि चुमेका हुन ।
खेलको समापन समारोहमा विजेता, उपविजेता खेलाडीलाई बुटवल उपमहानगरपालिकाका नगरप्रमुख शिवराज सुवेदी, नेपाल लन टेनिस संघका केन्द्रीय अध्यक्ष ज्योती राना, संघका अध्यक्ष सन्जय श्रेष्ठ, सचिव गोपाल ज्ञवाली लगायतले पुरस्कार वितरण गरेका थिए ।

प्रतियोगितामा विभागिय टिमसहित काठमाण्डौ, पोखरा, विराटनगर र बुटवलका खेलाडीहरुले प्रतिस्प्रर्धा गरेका थिए । पुरुष एकल र महिला एकल तर्फ प्रथम द्धितीय तृतीयलाई क्रमश ५५ हजार २५ हजार र १० हजार पुरस्कार रहेको छ । त्यसैगरि पुरुष एकलको ३५ वर्ष माथीकाको प्रथमलाई ३० हजार ४५ वर्ष माथीकाको प्रथमलाई २५ हजार र ५५ वर्ष माथीकाको प्रथमलाई १५ हजार पुरस्कार रहेको छ । त्यैसगरि पुरुष डवल तर्फको उपाधि विजेता, ३५ वर्ष र ४५ वर्ष माथी उमेर समुहको उपाधि विजेताहरुले समान नगद २० हजार रुपैयाबाट पुरस्कृत गरिएको छ ।