काठमाडौैं १ चैत । संस्कृति, पर्यटन तथा नागरिक उड्यन मन्त्री योगेश भट्टराईले सरकारले पार्टीलाई सघाउने र पार्टीले सरकारलाई सर्लक्कै बोकेमात्र सरकार सफल हुने अन्यथा समस्या रहिरहने बताउनु भएको छ ।
एबीसी न्युज टेलिभिजनको कार्यक्रम आउटलुकमा प्रधानसम्पादक शुभशंकर कंडेलसंग कुरा गर्दै नेकपा स्थायी समिति सदस्य समेत रहनुभएका मन्त्री भट्टराईले सरकारले आधारभूत रुपमा सही काम गरेको दावी गर्नुभयो । उहांले झण्डै ७ प्रतिशत आर्थिक बृद्धिदर, विजुली किन्ने देशबाट बेच्ने देशकारुपमा पुग्ने काम के केपी ओली नेतृत्वको सरकारले गरेर र अरु कसैले गरेको हो र भन्ने प्रतिप्रश्न गर्नुभयो ।
अन्तर्वार्ताका क्रममा पार्टीभित्रको समस्यका बारेमा व्याख्या गर्दै मन्त्री भट्टराईले नेकपा नेताहरुको पनि नेता भएको पार्टी हुनाले नेताहरुबीचको सम्वन्धलाई हार्दिकतापूर्ण बनाइरहनु पर्ने आवश्यकता रहेको बताउनु भयो । पार्टी एकताको काम समयमा नै सकिएको हुनाले आन्तरिक संक्रमणकालले सरकारको काममा पनि असर परेको मन्त्री भट्टराईको बुझाई छ ।
०५१ सालमा जसरी पार्टी र सरकारका कामलाई एकीकृत गराउने वित्तिकै नेकपा र सरकारलाई कसैले चुनौति दिन नसक्ने नेता भट्टराईको दावी छ । भट्टराईसंगको विस्तृत अन्तर्वार्ता शनिबार राती ९बजे आइतबार विहान ८ बजे रदिउंसो २ बजे प्रसारण हुनेछ ।