काठमाडौैं १ चैत । संस्कृति, पर्यटन तथा नागरिक उड्यन मन्त्री योगेश भट्टराईले विश्व महामारी बनेको क्रोना भाइरस संक्रमणबाट जोगिन आवश्यक परेमा सार्वजनि विद्यालय र ठूला ठूला होटलहरुलाई पनि अस्थायी अस्पतालका रुपमा प्रयोग गर्ने योजना रहेको बताउनु भएको छ । एबीसी न्युज टेलिभिजनको कार्यक्रम आउटलुकमा प्रधानसम्पादक शुभशंकर कंडेलसंग कुरा गर्दै मन्त्री भट्टराईले विमानस्थल र विभिन्न दुई देशीय नाकाहरुलाई व्यवस्थित गर्ने काम तीव्र रुपमा भइरहेको छ । हाल पोखरा र लुम्विनी विमानस्थलमा काम गर्न आएका चिनिया प्राविधिक र कामदार क्वारेन्टाइनमा रहेको मन्त्री भट्टराईले जानकारी दिनुभयो ।
कोभिड–१९ नियन्त्रणका लागि चिनिया राजदूतले चीनले प्रयोग गरेको विधि र जनशक्ति नेपाललाई आवश्यकता अनुसार उपलव्ध गराउने प्रतिवद्धता व्यक्त गरेको समेत मन्त्री भट्टराईले जानकारी दिनुभयो ।
शुरुमा चीनको वुहानलाई कोभिड–१९ को एपिसेन्टर भनिएको मा विश्व स्वास्थ्य संगठनले युरोपलाई एपिसेन्टर भनेको छ । डिसेम्वर अन्तिमा चीनमा देएिको क्रोना भाइरसको संक्रमणबाट १२५ देशका झण्डै ५ हजार नागरिकको मृत्यु भएको छ । अमेरिकाले आपतकाल घोषणा गरेको छ भने युुरोप लकडाउन भएको छ । तर झण्डै ३२ सय नागरिको ज्यान लिएको चीन भने क्रोना संक्रमणबाट बाहिर निस्कन थालेको छ ।
क्रोना संक्रमणको सन्त्रासबाट थला पर्न पुगेको नेपालको पर्यटन क्षेललाई छिटै राहत प्याकेज घोषणा गर्ने तयारीमा रहेको मन्त्री भट्टराईले बताउनुभएको छ।
भट्टराईसंगको विस्तृत अन्तर्वार्ता शनिबार राती ९बजे आइतबार विहान ८ बजे रदिउंसो २ बजे प्रसारण हुनेछ ।