काठमाडौं, ११ साउन । विश्वभर महाकारीको रुपमा फैलिएको नोवेल कोरोना भाइरसबाट ब्राजिलमा मृत्यु हुनेको संख्या ८६ हजार नाघेको छ ।
पछिल्लो २४ घण्टामा थप १ हजार १११ जनाको मृत्यु भएको छ । योसँगै ब्राजिलमा कोरोना संक्रमणले मृत्यु हुनेको संख्या ८६ हजार ४९६ पुगेको हो ।
अमेरिकापछि सबैभन्दा बढी संक्रमण देखिएको ब्राजिलमा आइतबार बिहानसम्म २३ लाख ९६ हजार ४३४ संक्रमित भएका छन् । पछिल्लो २४ घण्टामा ४८ हजार २३४ जनामा संक्रमण पुष्टि भएको छ ।संक्रमितमध्ये १६ लाख १७ हजार ४८० जना संक्रमणमुक्त भएका छन् भने ६ लाख ९२ हजार ४५८ जनाको उपचार भइरहेको छ ।
प्रतिक्रिया दिनुहोस्