बझाङ, ३ भदौ । लगातार आएकोे अविरल बर्षाका कारण बझाङको बुङगल नगरपालीका वडा नं ५ मिडीमा मँगलवार राति १ बजे पहिरो गएको छ । पहिरोमा परि ३ जना घाईते भएका छन भने २ जना बेपत्ता भयका छन ।

जस मध्ये एक जना भाग्न सफल भएको जिल्ला प्रहरी कार्यलय बझाङले जनाएको छ । घरमाथी बाट आएको पहिरोले स्थानिय प्रताप ताम्राकारको घर बगाएको हो । नेपाल प्रहरी र स्थानियको सहयोगमा पहिरोमा परि पुरिएका ३ जनाको उद्धार गरिएको छ भने दुई जना बेपत्ता छन् । ताम्राकार रोजगारीको सिलसिलामा भारतमा छन ।

पहिरोमा परेर ४० बर्षिया श्रीमती पिपला ताम्राकार, १८ बर्षकि छोरी सुनिता र १२ बर्षकि टिन्टी ताम्राकार र १६ बर्षका अनिल ताम्राकार घाईते भयका छन । घाईते चारै जनाको खिरातडी स्वास्थ्य चौकीमा उपचार भैरहेको छ । १४ बर्षका छोरा सचिन ताम्राकार र बुङ्गल नगरपालिका वडा नम्बर ४ तिर्थबगर बस्ने दमन ओखेडाका ५ बर्षका सुदिप ओखेडा बेपत्ता भयका छन । सुदिप केहि दिन अघि आफ्नो फुपुको घरमा आएका थिए । दुबै जनाको खोजि कार्य भै रहेको जिल्ला प्रहरी कार्यालय बझाङ का डिएसपि गणेश बमले बताउनु भयो ।