काठमाडौं, १४ भदौ । पछिल्लो २४ घण्टामा नेपालमा थप १२२१ जनामा कोरोना भाइरसको संक्रमण देखिएको छ। देशका विभिन्न प्रयोगशालामा गरिएको परीक्षणका क्रममा यी व्यक्तिमा कोरोना भाइरसको संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी  दिनुभयो ।

कर्णाली प्रदेशमा थपिएका २६ नयाँ संक्रमित सहित  नेपालमा कोरोना संक्रमित हुनेको संख्या ३८ हजार ५८६ जना पुगेको छ। आइबार काठमाडौंमा ३७२, ललितपुरमा १२ र भक्तपुरमा ४५ संक्रमित थपिएका छन्। पछिल्लो २४ घण्टामा थप २६७ जना कोरोना संक्रमणमुक्त भएका छन्।  योसहित नेपालमा हालसम्म २० हजार ८२२ उपचारपछि निको भएका छन्। आज मन्त्रालयको पत्रकार सम्मेलनमा कर्णाली प्रदेशको डाटा अपडेट भएको छैन । प्रदेशले दिएको जानकारी अनुसार २६ जना नयाँ संक्रमित फेला परेका छन् भने १३ जना निको भएर घर फर्किएका छन् ।