काठमाडौं, २० भदौ । पछिल्लो २४ घण्टामा देशभर १ हजार ४१ जनालाई कोरोना भाइरस संक्रमण पुष्टि भएकोे छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्रा.डा. जागेश्वर गौतमले देशभर १ हजार ४१ जनालाई कोरोना पुष्टि भएको जानकारी दिनुभयो ।
यो सहित नेपालमा कोरोना संक्रमित हुने को संख्या ४५ हजार २७७ जना पुगेको छ।

काठमाडौं उपत्यकामा मात्रै ४०८ जनालाई पुष्टि भएको छ । काठमाडौंका ३२६, ललितपुरका ३७ र भक्तपुरका ४५ जनालाई कोरोना पुष्टि भएको छ । आज थपिएका संक्रमितसँगै कोरोना संक्रमितको संख्या ४५ हजार २७७ पुगेको छ । सोमध्ये निको हुनेको संख्या २७ हजार १२७ रहेको छ ।

आज संक्रमण हुने भन्दा निको हुनेको संख्या धेरे रहेको छ ।  पछिल्लो २४ घन्टामा थप १५६६ जना कोरोना संक्रमणमुक्त भएका छन्। योसहित नेपालमा हालसम्म  २७ हजार १२७ उपचारपछि निको भएका छन्।