काठमाडौं, ४ असोज । नेपालमा पछिल्लो २४ घण्टामा १३२५ जना कोरोना संक्रमित पुष्टि भएका छन्। योसँगै नेपालमा कुल संक्रमितको संख्या ६४ हजार १२२ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिनुभयो । उहाँका अनुसार हाल देशभर १७ हजार ४७८ जना सक्रिय संक्रमित छन्।
आज ९६६ जना निको भएको प्रवक्ता डा गौतमले बताउनुभयो । हालसम्म ४६ हजार २३३ जना निको भएको मन्त्रालयले जानकारी दिएको छ। यो कुल संक्रमितको ७२ प्रतिशत छ। पछिल्लो २४ घन्टामा ९५८४ जनाको पिसिआर परीक्षण भएको छ।
प्रतिक्रिया दिनुहोस्