आइतबार बिहान प्रधानमन्त्री केपी शर्मा ओलीले संसद विघटन गर्ने निर्णय गरेपछि बालुवाटार पुगेर पनि ओलीलाई भेट्न नपाई निवास फर्किएका सत्तारुढ दल नेपाल कम्युनिस्ट पार्टी (नेकपा)का कार्यकारी अध्यक्ष पुष्पकमल दाहाल प्रचण्ड फेरि बालुवाटार पुगेका छन्
प्रचण्डले बालुवाटार जानुअघि वरिष्ठ नेताहरु झलनाथ खनाल, माधवकुमार नेपाल, प्रवक्ता नाायणकाजी श्रेष्ठ, स्थायी समिति सदस्य जनार्दन शर्मा, मन्त्रीहरु वर्षमान पुन, शक्ति बस्नेत र केही कानुनविद्सँग छलफल गरेका थिए ।
स्रोतका अनुसार आजै दिउँसो १ बजे बालुवाटारमा नेकपा स्थायी समिति बैठक डाकिएको थियो । प्रचण्ड स्थायी समिति बैठकका लागि गएका हुन् या प्रधानमन्त्री ओलीसँग छलफलका लागि गएका हुन भन्नेबारे केही खुलाइएको छैन।
प्रतिक्रिया दिनुहोस्