काठमाडौं, १० पुस । प्रधानमन्त्री केपी शर्मा ओलीले मन्त्रिपरिषद विस्तार गर्ने हुनुभएको छ । नयाँ मन्त्रीहरुको सपथ ग्रहणका लागि राष्ट्रपति कार्यालयलाई जानकारी गराइसकिएको बालुवाटार स्रोतले जनाएको छ । नयाँ मन्त्रीहरुको आज साँझ सात बजे सपथग्रहण हुने बुझिएको छ ।नेकपाभित्रको आन्तरिक विवादका कारण ७ जना मन्त्रीले राजीनामा दिएपछि हाल १८ जना मन्त्री र राज्यमन्त्रीहरु छन् । नयाँ बन्ने मन्त्रीहरुमा को को सामेल हुनुहुँदैछ भन्ने अहिले नै नामको अन्तिम टुंगो लागिसकेको छैन ।यद्यपी माओवादी समूहबाट प्रधानमन्त्री ओलीलाई साथ दिएका टोपबहादुर रायमाझी, मणी थापा मन्त्री बन्ने लगभग पक्का जस्तै भएको छ । त्यस्तै राजेन्द्र गौतम, विशाल भटटराई, महेश बस्नेत लगायतको नाम पनि मन्त्री बन्ने चर्चामा छ ।
Accuracy, Balance & Credibility - JOURNALISM
प्रतिक्रिया दिनुहोस्