काठमाडौं, ११ पुस । प्रदेश १ का मुख्यमन्त्री शेरधन राईले अर्थमन्त्री इन्द्रबहादुर आङ्बोलाई बर्खास्त गर्नुभएको छ । मुख्यमन्त्री विरुद्ध प्रचण्ड–माधव नेपाल समूहले अविश्वास प्रस्ताव ल्याउने तयारी गरिरहेका बेला राईले तत्कालिन माअोवादीबाट सरकारको नेतृत्व गरेका आङ्बोलाई शनिबार साँझ पदमुक्त गर्नुभएको छ । मन्त्री आङ्बोले राईविरुद्ध अविश्वासको प्रस्तावका लागि हस्ताक्षर अभियान चलाएको भन्दै पदबाट हटाएको मुख्यमन्त्री राईले बताउनुभयो। ‘उहाँले मुख्यमन्त्री राईविरुद्धनै अविश्वासको प्रस्ताव दर्ता गर्ने तयारीको नेतृत्व गरिरहेको थाहा पाएँ, त्यही भएर पदमुक्त गरेको हुँ’, उहाले भन्नुभयो । राई आफूले नेपालको संविधानको धारा १६९ को (२)( ख) बमोजिम प्रदेश सरकारका मन्त्री आङ्बोलाई पदमुक्त गरेको स्पष्ट पार्नुभयो ।
प्रतिक्रिया दिनुहोस्