काठमाडौं, १३ पुस । तत्कालीन स्वास्थ्यमन्त्री भानुभक्त ढकालका विज्ञ सल्लाहकार रहेका डा खेमबहादुर कार्कीले पदबाट राजीनामा दिनुभएको छ ।  जिम्मेवारी हेरफेरका क्रममा मन्त्री ढकाल संस्कृति पर्यटन तथा नागरिक उड्यन मन्त्रालयमा पुगेपछि उहाका स्वास्थ्यविज्ञ सल्लाहकार रहेका डा कार्कीले राजीनामा दिनुभएको हो । मन्त्रालय स्रोतको अनुसार आइतबार उहाले स्वास्थ्य मन्त्रालयमा राजिनामा बुझाउनु भएको हो । गत ९ चैतमा बसेको मन्त्रिपरिषद बैठकले उहालाई तत्कालीन स्वास्थ्यमन्त्री भानुभक्त ढकालको विज्ञ सल्लाहकारको रुपमा नियुक्त गरेको थियो । त्यसको ९ महिनापछि स्वास्थ्यमन्त्री रहेका ढकालको मन्त्रालय परिवर्तन भयो । मन्त्रिपरिषद्को बैठकले नियुक्ति गरेको उहाको राजीनामा स्वीकृत पनि मन्त्रिपरिषदले नै गर्छ । त्यसको लागि मन्त्रालयले मन्त्रिपरिषदम राजीनमा स्वीकृतको लागि पठाउनुपर्ने हुन्छ ।