काठमाडौं, १४ पुस । नेपालमा कोरोनाका सक्रिय सङ्क्रमितको संख्या ६ हजार ४ सयभन्दा कममा झरेको छ । पछिल्लो २४ घण्टामा ७ सय ३१ जना निको भएसँगै सक्रिय सङ्क्रमितको संख्या ६ हजार ३ सय ९६ जनामा झरेको स्वास्थ्य तथा जनसंख्या मन्त्रालयले जनाएको छ । अहिलेसम्म २ लाख ५१ हजार ३ सय १२ जना निको भइसकेका छन् । यस्तै पछिल्लो २४ घण्टामा ७ सय ८ जना थपिएसँगै कोरोना सङ्क्रमण पुष्टि हुनेको संख्या २ लाख ५९ हजार ५ सय ४८ पुगेको छ । सङ्क्रमणका कारण ज्यान गुमाउनेको संख्या पनि १८ सय ४० पुगेको छ । पछिल्लो २४ घण्टामा ८ जना सङ्क्रमितको ज्यान गएको स्वास्थ्य तथा जनसंख्या मन्त्रालयले जनाएको छ ।
Accuracy, Balance & Credibility - JOURNALISM
प्रतिक्रिया दिनुहोस्