काठमाडौं, १६ माघ ।  काठमाडौंको कुलेश्वर फलफूल बजारमा पनि फोन–पे मा आधारित डिजिटल भुक्तानी कोड क्युआर प्रणाली सुरु भएको छ । शुक्रबार नेपाल राष्ट्र बैंकका गभर्नर महाप्रसाद अधिकारीको रोहबरमा नबिल बैंकले यो कार्यक्रम कुलेश्वरमा पनि उद्घाटन गरेको हो ।

क्युआर प्रणाली पश्चात् व्यवसायी र उपभोक्ताबीचको कारोबारमा सहजता आउने र समग्र करप्रणालीमै सुदृढिकरण आउने आशा राखिएको छ ।
सधैं नै व्यस्त रहने काठमाडौंको कुलेश्वर फलफूल बजारमा फोन–पे मा आधारित डिजिटल भुक्तानी कोड क्युआर प्रणाली सुरु भएको छ । शुक्रबार नेपाल राष्ट्र बैंकका गभर्नर महाप्रसाद अधिकारीले फलफूल पसल नम्बर १२ मा उक्त प्रणालीको उद्घाटन गर्नुभयो । उद्घाटनका क्रममा अधिकारीले स्वदेशको तरकारी तथा फलफूल बजारलाई पनि आधुनिक एवम् व्यवस्थापन बनाउदै लैजाने विषयलाई जोड दिनुभयो । निकै चहलपहल रहने कुलेश्वर फलफूल क्षेत्र जस्ता बजारहरुको अस्तव्यस्त पूर्वाधारको निर्माणतर्फ पनि सबैको आवश्यक ध्यान जानुपर्ने उहा“को भनाई छ ।

राष्ट्र बैंकको तथ्यांक अनुसार गत मंसिरमा ३ लाख ७४ हजार भुक्तानी क्युआर कोडमार्फत भएको छ । यो संख्या गत कात्तिक महिनाभन्दा १ लाखले बढी छ भने गत मंसिरमा १ अर्ब २५ करोड रुपैंया बराबरको भुक्तानी यो प्रणालीमार्फत भएको केन्द्रीय बैंकको तथ्यांक छ । दैनिक करोडौं रुपैंयाको कारोबार हुने कुलेश्वर फलफूल बजारमा पनि फोन–पे मा आधारित क्युआर भुक्तानी सुरु भएसगै यसले बैंकिङ प्रणाली तथा बजारीकरणमा सहजता आउनेमा सरोकारवालाहरु ढुक्क छन् ।

त्यसो त, नेपाली फलफूल बजारमा भण्डारणको समस्या हुदा सोचेजस्तो प्रतिफल नमिलेको व्यवसायीहरुले गुनासो राख्दै आएका छन् । क्युआर कोड प्रणालीले विश्वव्यापीरुपमा फैलिरहेको कोरोना महामारीको अवस्थामा पनि व्यवसायलाई चलायमान राख्न पनि सहयोग पु¥याएको छ । यी–यस्तै प्रविधिसगै फलफूल लगायत कृषि व्यवसायलाई अगाडी बढाउन सके स्वदेशी बजारमा आत्मनिर्भर बढ्न पनि टेवा पुग्ने व्यवसायीहरु बताउछन् । यो प्रणालीले राज्यको कर व्यवस्थापनमा पनि भूमिका खेल्न सक्छ ।

समयको माग बमोजिम नेपाली कृषि बजारमा आधुनिक प्रविधिको प्रयोग हुनु सकारात्मक हो । यस्ताखाले प्रक्रियाले बजारीकरणमा देखा परिरहेका समस्या व्यवस्थापनमा केही सहजता थप्ने काम पक्कै गर्छ । तरपनि, स्वदेशी कृषि क्षेत्र उकास्नका लागि भने राज्यले निर्माण गरेका नीति तथा कार्यक्रमहरुलाई प्रभावकारीरुपमा लागू गर्न आवश्यक छ ।