काठमाडौ, ४ चैत ।  राजनीतिक संकट चुलिरहेका बेला नेकपा माओवादी केन्द्रका अध्यक्ष पुष्पकमल दाहाल प्रचण्ड बुधबार सिन्धुली पुग्नु भएको छ ।  औपचारिक कुनै कार्यक्रम नभएपनि प्रचण्ड सिन्धुली जानुभएको हो । काठमाडौंमा पार्टीको कामले व्यस्त दैनिकीलाई केही आराम गर्न र कार्यकर्तासित भेट गर्न प्रचण्ड सिन्धुली पुगेको उहाँको निजी सचिवालयले जनाएको छ । उहाँ कामले थकान हुँदा र काठमाडौंमा तनाव हुँदा कहिले सिन्धुली त, कहिले सिन्धुपाल्चोकतिर पुग्नु गर्नुभएको छ ।

पत्नी सीता दाहाल, प्रमुख स्वकीय सचिव जोखबहादुर महरा साथमा प्रचण्ड जानु भएको हो । सांसद गजुरेल पनि प्रचण्डकै साथमा सिन्धुली पुग्नु भएको छ । सिन्धुली आइपुगेका पूर्वप्रधानमन्त्री समेत रहेका प्रचण्ड माओवादी केन्द्रका स्थायी समिति सदस्य तथा सांसद हरिबोल गजुरेलको निवासमा बास बस्ने कार्यक्रम छ । प्रचण्ड सिन्धुली आएको र सांसद गजुरेलको निवास ढुंग्रेबासमा बास बसेको जानकारीपछि स्थानीय नेता कार्यकर्ता भेला भएका छन् । अध्यक्ष प्रचण्डलाई जिल्ला पार्टी अध्यक्ष राजन दाहाल लगायत नेता, कार्यकर्ताले स्वागत गर्नुभएको थियो । माओवादी केन्द्रका नेता तथा सांसद हरिबोल गजुरेलले औपचारिक कार्यक्रम बताउनुभयो । भोलि बिहान सिन्धुलीको रातमाटामा रहेको एक पार्टी प्यालेसमा बिहान ८ बजे कार्यकर्ता भेटघाट राखिएको सिन्धुली अध्यक्ष राजन दाहालले फेसबुकमा जानकारी गराउनु भएको छ ।