पोखरा २१ चैत्र । नेपाल मार्सल आर्ट हाप्किदो संघ गण्डकी प्रदेश पोखराले युवा तथा खेलकुख मन्त्री दावा लामालाई स्वागत तथा बधाइ ज्ञापन गरेको छ । खेलकुद कार्यक्रमका लागि पोखरा आइपुगेका मन्त्री लामालाई हप्किदो संघले बधाई सहित स्वागत गरेको हो । उक्त अवसरमा वोल्दै मन्त्री लामाले पर्यटकीय शहर पोखरा पर्यटन संगै खेलकुदको शहर बन्ने बताउनुभयो। पोखरामा रंगशाला निर्माण भइरहदा यहां पछिल्लो समय विभिन्न खेलकुदका गतिविधीहरु समेत वढ्दै गइरहेकालेपनि पोखरा खेलकुदको राजधानी हुनेमा आफु ढुक्क रहेको समेत उहाँले बताउनुभयो । पछिल्लो समय नेपालमा भित्रिएको मार्सल आर्ट हाप्किदो खेल प्रदेश र जिल्ला तहमा पनि पुगेकाले यसले पनि खेलकुदको गतिविधी स्थानिय तह सम्म पुगेको बताउदै आगामी दिनमा खेलकुद क्षेत्रमा सरकारले समेत सहयोग गर्ने पनि उहाँले बताउनुभयो । खेलकुदमन्त्री वनेपछि पहिलोपटक पोखरा आइपुगेका मन्त्री लामालाई स्वागत गर्दै हाप्किदो संघका प्रदेशका अध्यक्ष एम बी आस्था मगरले सवै खेललाई मन्त्रालयले समान ब्यवहार गर्नुपर्ने तर्फ मन्त्री लामालाई ध्यानाकर्षण गराउनु भएको थियो । सो अवसरमा वोल्दै संघका उपाध्यक्ष तारामाया थापा मगरले नवौ राष्ट्रिय खेलकुद प्रतियोगितामा हाप्किदो खेललाई पनि समावेश गर्नुपर्ने बताउनुभयो ।