काठमाडौं, ५ बैशाख । गृह मन्त्रालयमा प्रवक्ताको जिम्मेवारी हेरफेर भएको छ । यस अघि प्रवक्ताको जिम्मेवारी सम्हाल्दै आएका सह सचिव चक्रबहादुर बूढा कर्णाली प्रदेशमा सरुवा भएसँगै गृह प्रवक्ताको जिम्मेवारी सहसचिव जनकराज दाहालले पाउनु भएको छ । दाहाललाई शान्ति सुरक्षा समन्वय महाशाखाको प्रमुख र प्रवक्ताको जिम्मेवारी दिइएको हो । दाहालले आजैदेखि सो जिम्मेवारी सम्हाल्न लाग्नु भएको छ । दाहाल यसअघि काठमाडौं, झापा लगायत जिल्लामा सिडिओ हुनुभएको थियो ।यस अघि दाहाल विपद् तथा द्वन्द्व व्यवस्थापन महाशाखामा कार्यरत हुनुभएको थियो । उहाँको ठाउँमा हेटौंडाको प्रमुख जिल्ला अधिकारी गोविन्द रिजाललाई तानिएको छ । यसका साथै गृहका केही अधिकारीहरुको जिम्मेवारी हेरफेर भएको गृह मन्त्रालयले जनाएको छ ।
२ श्रावण २०८३, शनिबार
प्रतिक्रिया दिनुहोस्