काठमाडौं, १० वैशाख । पूर्वप्रधानमन्त्री एवं नेकपा एमालेको वरिष्ठ नेता माधवकुमार नेपालले अध्यक्ष केपी शर्मा ओलीका कारण पार्टी एकता जोगाउन कठिन भएको बताउनुभयो । जनकपुरधामस्थित मिथिला भवनमा शुक्रबार पत्रकार सम्मेलनमा बोल्दै नेपालले अ‍ेलीमाथि पार्टी र लोकतन्त्र नै संकटमा पारेको आरोप समेत लगाउनुभयो । ‘ओली आफ्नो दम्भबाट पछाडि हट्न चाहेनन्,’ नेपालले उहाँले भन्नुभयो ‘बालुवाटारको बालुवामा तेल छैन जति पेले पनि तेल निस्किने अवस्था छैन ।’

उहाँले भन्नुभयो , ‘हिजो उहाँले धरहरा भन्दै मलाई आफ्नो दम्भ देखाउनुभयो ।’ नेता नेपालले ओलीको दम्भको कुनै अर्थ नरहेको बताउनुभयो । , ‘अस्ति म होटेलमा गएको थिए, कुराकानी पनि भयो । मलाई केही आशा जालेको थियो, तर हिजोको बैठकमा उहाँले झनै दम्भ देखाउनुभो । केपी ओलीको दम्भहरु धरहराभन्दा माथि छन् ।’ उहाँले भन्नुभयो ।
उहाँले भन्नुभयो ‘मैले भनेको थिए अब जेठ २ मा फर्कौँ कमरेड, पार्टी एकताबद्ध मिलेर बनाउँ, क–कसलाई थप्नुपर्छ छलफल गरौँ । तर उहाँले हैन जुन निर्णय भइसकेको छ त्यसैलाई मान्नु पर्ने अडान लिनु भो र उल्टै भन्नु भो तपाईँ किन आउनु भएन उहाँले भन्नुभयो ?’

आफूले पार्टीलाई एकतावद्ध बनाएर अगाडि बढाउन निरन्तर प्रयास गरेपनि ओलीले नचाहेको नेपालले आरोप लगाउनुभयो। उनले ओलीमा भड्काउ चिन्तन भएको बताउनुभयो । अल्पतमा परेपछि ओलीले बाटो हिड्ने बटुवालाई केन्द्रीय सदस्य बनाएको नेपालको आरोप थियो ।